Дөрөвдүгээр сарын мэдээ

Хангай нурууны араас усжих Хануй, Чулуут, Суман, Хойттамир, Урдтамир зэрэг голын усны түвшин өнгөрсөн хугацааны турш хоногт 1-2 см нэмэгдсэн ба арав хоногийн дундаж утгаараа өмнөх оны мөн үе болон олон жилийн дунджаас 10-40 см ахиу түвшинд байна. Чулуут, Суман, Урдтамир зэрэг голын мөсний зузаан өмнөх арав хоногоос 23 см-ээр  нимгэрч  60-90 см зузаан мөсөн бүрхүүлтэй болжээ. Эдгээр голуудад мөс байрандаа хайлах, мөсөн дээгүүр ус урсах, усан зах үүсэх, шингэн зайр гүйх зэрэг үзэгдэл голлон ажиглагдаж байна. Харин Чулуут голын эх болон Хойттамир гол мөснөөс бүрэн чөлөөлөгдсөн байна.

Цаашид цаг агаарын дулааралтай уялдан гол мөрний сав дахь цас, мөс хайлж, хаврын шар усны үер цөнгийн хахаатай давхцан ус эргээсээ халих голын эрэг татам орчим усанд автах зэрэг үзэгдэл ажиглагдаж болзошгүй байна.  Иймд ард иргэд хаврын шар усны үер болон мөс цөмрөх аюулаас сэрэмжтэй байхыг онцгойлон анхааруулж байна.

Гадаргын ус судлалын өртөө